Багануур дүүргийн Хүүхэд, гэр бүлийн хөгжил, хамгааллын хэлтсээс санаачлан зохион байгуулж буй “Нэгдүгээрт хүүхэд” аян Багануур ХК-д амжилттай хэрэгжиж байна. Уг аяны хүрээнд 10-р сарын 2-оос 23-ны хооронд хоёр бүлэг 9 ажил хийхээр төлөвлөн, хэрэгжүүлж байна. Тухайлбал, компанийн эцэг эхийн зөвлөлийн үйл ажиллагааг идэвхижүүлж, гэр бүлийн сэтгэл зүйн боловсрол, хүүхэд хамгаалал, эцэг эхийн үүрэг хариуцлагыг нэмэгдүүлэх чиглэлээр сургалт сурталчилгааны ажлуудыг зохион байгууллаа. Мөн ажилтнуудын амьдарч буй орчин, оршин суугаа газрын аюулгүй байдлын үнэлгээ, компанийн гадаад, дотоод орчны хүүхдийн аюулгүй байдлын үнэлгээ судалгааг хийлээ. Сарын аяны хүрээнд өнөөдөр /2024.10.18/ дүүргийн Цагдаагийн хэлтэс, ХГБХХХ-тэй хамтран нийт ажилтнуудад сургалт, лекц зохион байгууллаа. 10-р сарын 22-ны өдөр уурхайчдын 9-12 дугаар ангийн хүүхдүүдэд зориулан дүүргийн Онцгой байдлын хэлтэс, Жавзандамба хутагт төвийн багш, гавж Д.Нямсамбуу нартай хамтран сургалт, өдөрлөг зохион байгуулна.