Багануур ХК, Багануур дүүргийн Төр захиргааны байгууллагатай хамтран ажиллах санамж бичгийн хүрээнд дүүргийн 5 хорооны зорилтот бүлгийн нийт 638 өрхөд 160 тонн нүүрсний тусламж үзүүллээ. Багануур дүүргийн цаг уурын өртөөнөөс 2024 оны 11,12-р сар, 2025 оны 01-р саруудад олон жилийн дунджтай харьцуулахад эрс хүйтэн, мөн олон жилийн дунджаас их хэмжээний цас орох урьдчилсан төлөвтэй байгааг мэдээлсэн. 10-р сарын байдлаар 4 удаагийн цас ороод байгаа хүйтэн өдрүүдэд уурхайчин хамт олны халуун сэтгэл шингэсэн тусламжийг хүлээн авсан иргэд талархалтай байна.