ХҮНДЛЭЛ, САХИЛГА БАТ, ТЭСВЭР ТЭВЧЭЭРИЙГ ГАЙХУУЛСАН U15 НАСНЫ ВОЛЕЙБОЛЫН ТЭМЦЭЭН ӨНДӨРЛӨЛӨӨ.
- Posted on
- Odnoo
Бие бялдарын хөгжил сайтай, идэвхитэй, үүрэг хариуцлагатай, биеэ даасан байдлыг өөрсдөдөө бий болгосон нутаг нутгийн өсвөрийн тамирчид 4 өдрийн турш Багануур дүүргийнхнийг волейболын спортоор амьсгалууллаа.
Багануур ХК-ийн 45 жилийн ой, Уурхайчин спорт цогцолборын 15 жилийн ойд зориулан “Уурхайчин” волейболын клубээс зохион байгуулсан U15 насны клубуудын аварга шалгаруулах “BAGANUUR CUP-2023” тэмцээн 2023.11.06-аас 09-ний өдрүүдэд амжилттай болж өндөрлөлөө.
Сурагчдын 1-р улирлын амралтыг тааруулан зохион байгуулсан тус тэмцээнд Баянхонгор, Өвөрхайнгай, Дорноговь, Говьсүмбэр, Хэнтий, Дорнод, Сүхбаатар зэрэг аймгуудаас гадна Улаанбаатар хотын сургуулиуд, волейболын клубуудын өсвөрийн эрэгтэй 21, эмэгтэй 20 багийн 500 гаруй тамирчид багш, дасгалжуулагчдын хамт хүрэлцэн ирж хурд хүч, авхаалж самбаа, тэсвэр тэвчээрээ сорин өрсөлдлөө.
Багаараа нэг зорилгын төлөө багшийнхаа боловсруулсан тактик, төлөвлөгөөний дагуу ур чадвараа сорин өрсөлдсөн
эрэгтэй тамирчдаас:
• 1-р байранд Б.Рэнцэнхорол дасгалжуулагчтай Б.Түвшин-Эрдэнэ ахлагчтай “Уурхайчин-21” баг
• 2-р байранд С.Төмөрхуяг дасгалжуулагчтай Б.Даваабаатар ахлагчтай Дорноговь аймгийн волейболын холбооны баг
• 3-р байранд Р.Тамираа ахлах дасгалжуулагчтай, О.Баярчимэг туслах дасгалжуулагчтай, Б.Тэргэл ахлагчтай Ноён клубын Ноён баг
• 4-р байранд Э.Доржагдаг дасгалжуулагчтай Хэнтий аймгийн Эргэх бөмбөг клубын баг
эмэгтэй баг тамирчдаас:
• 1-р байранд Р.Тамираа ахлах дасгалжуулагчтай, О.Баярчимэг туслах дасгалжуулагчтай, Г.Энх-Урал ахлагчтай Ноён клубын Ноён баг
• 2-р байранд Б.Рэнцэнхорол дасгалжуулагчтай О.Энх-Энэрэл ахлагчтай “Уурхайчин-21” баг
• 3- р байранд М.Мөнхтулга дасгалжуулагчтай, М.Оюунтүлхүүр ахлагчтай Баянхонгор аймгийн Эрдэнэмандал сумын баг
• 4-р байранд М.Мөнххишиг дасгалжуулагчтай Улаанбаатар хотын 31-р сургуулийн баг тус тус шалгарч алт, мөнгө, хүрэл медалийн эзэд болж өргөмжлөл мөнгөн шагналаар шагнууллаа.
500 гаруй тамирчдаас шилдэгийн шилдэгээр дараах тамирчид шалгарч алтан цомын эзэд боллоо.
Эмэгтэй тамирчдаас:
Шилдэг довтлогчоор Баянхонгор аймгийн довтлогч А.Амарбаясгалан
Шилдэг холбогчоор “Уурхайчин-21” багийн холбогч О.Энх-Энэрэл
Шилдэг давуулагчаар 31-р сургуулийн тамирчин Э.Анужин
Шилдэг хамгаалагчаар Ноён багийн тамирчин С.Ану-Үжин
Шилдэг тэгш тоглогчоор Ноён багийн тамирчин Э.Эгшиглэн
Шилдэг эмэгтэй дасгалжуулагчаар Ноён багийн дасгалжуулагч О.Баярчимэг
Эрэгтэй тамирчдаас:
Шилдэг довтлогчоор Ноён багийн довтлогч Г.Тэнүүн
Шилдэг холбогчоор Ноён багийн холбогч Б.Тэргэл
Шилдэг давуулагчаар “Уурхайчин-21” багийн тамирчин Б.Түвшин-Эрдэнэ
Шилдэг хамгаалагчаар Дорноговь аймгийн волейболын холбооны тамирчин М.Ундрахбаяр
Шилдэг тэгш тоглогчоор “Уурхайчин-21” багийн тамирчин М.Мөнх-Эрдэнэ
Шилдэг эрэгтэй дасгалжуулагчаар “Уурхайчин-21” багийн дасгалжуулагч Б.Рэнцэнхорол нар шалгарлаа.
Багийн зохион байгуулалтан дор амжилтаас амжилтруу тэмүүлэн суралцаж буй Монголын ирээдүйн шишгээ багийн тамирчид энэхүү тэмцээнд олон байлаа. Мөн волейболын спортын хөгжилд үнэтэй хувь нэмэр оруулж олон шилдэг тамирчид төрүүлж буй дасгалжуулагчид бахдам байлаа.
Зан ааш, үзэл бодол өөр хэдий ч нэг зорилгын төлөө нэгдэж олон шинэ найз нөхөдтэй болж, бие биеэсээ суралцах боломжийг бүрдүүлж, сайхан тэмцээн зохион байгууллаа хэмээн тэмцээний хаалтын үеэр Багануур ХК-ийн удирдлагуудад талархал илэрхийлсэн тамирчид олон байв.
Цас их орж, халтиргаа гулгаа үүсэж, замын нөхцөл байдал хүндхэн байсан хэдий ч зорьсон тэмцээндээ саадгүй ирж оролцсон бүх баг тамирчдадаа талархал илэрхийлье. Медальт байранд шалгарч, шилдэгийн шилдэгээр тодорсон баг тамирчид, дасгалжуулагчдад баяр хүргэе.
Багануур ХК-ийн 45 жилийн ой, Уурхайчин спорт цогцолборын 15 жилийн ойд зориулан “Уурхайчин” волейболын клубээс зохион байгуулсан U15 насны клубуудын аварга шалгаруулах “BAGANUUR CUP-2023” тэмцээнийг зохион байгуулахад хамтран ажилласан байгууллагуудад талархал илэрхийлье.
– Багануур-Сувилал ХХК
– Багануур дүүрэг дэх Цагдаагийн хэлтэс
– Багануур Гэр бүл, хүүхэд, залуучуудын хөгжлийн хэлтэс
– Боловсрол цогцолбор сургууль
– Насан туршийн боловсролын төв
