Багануур ХК-ийн ахмад уурхайчин Намсрайжавын Бямбадорж хөдөлмөр зүтгэлээ үнэлүүлж Монгол Улсын Ерөнхийлөгчийн зарлигаар төрийн дээд шагнал “Алтан гадас” одонгоор шагнууллаа. Шагналыг өнөөдөр дүүргийн Засаг дарга С.Даваасүрэн, Гүйцэтгэх захирал Э.Номинчулуун нар гардуулж баяр хүргэлээ. Н.Бямбадорж нь Багануурын уурхайд белазын жолооч, түлш цэнэглэгч машины жолооч, суудлын машины жолоочоор тасралтгүй 27 жил ажиллаад 2013 онд гавъяаныхаа амралтанд гарсан юм. Танд нийт уурхайчдынхаа өмнөөс баяр хүргэж эрүүл энх, урт насалж, удаан жаргахын ерөөл дэвшүүлье.