(Компанийн зах зээлийн үнэлгээ хийх зөвлөх үйлчилгээ)

Багануур ХК нь компанийн хөгжлийн стратеги, хөрөнгийн зах зээлд оролцох боломжийг судлах, хувьцаа гаргалттай холбоотой бэлтгэл ажлын хүрээнд компанийн зах зээлийн үнэлгээг мэргэжлийн түвшинд хийлгэхээр төлөвлөж байна.

Иймд энэхүү ажлыг гүйцэтгэх туршлага, чадавх бүхий мэргэжлийн байгууллагуудыг үнийн санал ирүүлэхийг урьж байна.

1. Ажлын зорилго

Компанийн зах зээлийн үнэлгээг олон улсын болон Монгол Улсад мөрдөгдөж буй үнэлгээний аргачлал, стандартын дагуу тодорхойлох, холбогдох дүгнэлт, зөвлөмж бүхий тайлан боловсруулах.

2. Ажлын хамрах хүрээ

* Компанийн үйл ажиллагаа, санхүүгийн мэдээлэлд дүн шинжилгээ хийх

* Салбарын болон зах зээлийн судалгаа хийх

* Санхүүгийн модел боловсруулах

* Компанийн үнэлгээг дараах аргачлалаар хийх:

• Discounted Cash Flow (DCF)
• Харьцуулалтын арга (Comparable company analysis)
• Хөрөнгийн арга (Asset-based approach)

* Эрсдэлийн болон мэдрэмжийн шинжилгээ хийх

* Эцсийн үнэлгээний тайлан, дүгнэлт боловсруулах

* Шаардлагатай тохиолдолд ТУЗ болон холбогдох байгууллагад тайлан танилцуулах

3. Оролцогчид тавигдах шаардлага

Оролцогч байгууллага нь:

* Санхүүгийн зохицуулах хороо-ны холбогдох зөвшөөрөлтэй байх

* Үнэт цаасны зах зээл, IPO, компанийн үнэлгээний чиглэлээр туршлагатай байх

* Уул уурхай, эрчим хүчний салбарт ажилласан туршлагатай байх

* Мэргэшсэн санхүүгийн шинжээч, үнэлгээчдээс бүрдсэн багтай байх

* Ашиг сонирхлын зөрчилгүй, хараат бус байх

4. Ирүүлэх материал

Оролцогч байгууллага дараах материалыг ирүүлнэ:

* Компанийн танилцуулга

* Тусгай зөвшөөрлийн хуулбар

* Ижил төстэй ажлын туршлагын мэдээлэл

* Ажлын аргачлал, гүйцэтгэх төлөвлөгөө

* Үнийн санал

* Гол мэргэжилтнүүдийн CV

5. Гүйцэтгэлийн хугацаа

Ажлыг ___ хоногт багтаан гүйцэтгэх санал ирүүлэх.

6. Санал ирүүлэх хугацаа

Үнийн санал болон холбогдох материалыг 2026 оны 05 дугаар сарын 22-ны өдрийн 17:00 цаг хүртэл ирүүлнэ.

7. Холбоо барих

Хаяг: Багануур дүүрэг, 3-р хороо, Үйлдвэр хэсэг Багануур ХК-ийн байр 406 тоот

Утас: 9908-0837

Имэйл: [bjsc@baganuurmine.mn]

Нэмэлт мэдээллийг дээрх хаягаар холбогдон авна уу.

Энэхүү үнийн санал авах ажиллагаа нь зөвхөн төсөвт өртөг болон зах зээлийн үнийн судалгаа хийх зорилготой бөгөөд тендер шалгаруулалт болохгүй болно. Захиалагч нь ирүүлсэн саналд үндэслэн цаашид холбогдох худалдан авах ажиллагааг зохион байгуулах эрхтэй.