Өнөөдөр 16:00 цагт орон даяар дуугарсан гамшгийн аюулын зарлан мэдээллийн дуут дохиогоор Багануур ХК-ийн бүх хэсэг нэгжүүдийн ажилтнууд Багануур дүүргийн Онцгой байдлын хэлтсийн заавар, зөвлөмжийн дагуу гамшгаас хамгаалах дадлага, сургуульд хамрагдлаа. Гамшиг тохиолдсон нөхцөлд иргэн бүр бэлэн байх дадалд сургах тус сургуулилтад Багануур ХК-ийн 580 ажилтан, эрдэм шинжилгээний хуралд оролцохоор ирсэн ШУТИС-ийн эрдэмтэн багш нар, магистрант, докторант зэрэг 25 зочин, нийт 605 хүн оролцлоо.